最佳拍擋之2007

07最佳拍住搵銀工作組合~

工作同搵銀有個拍檔拍住上分擔下就最好啦，不過又驚會嗌交不歡而散，唔駛擔心，參考下面07年最佳拍檔組合啦！

第3位 巨蟹座 x 雙魚座

巨蟹座同雙魚座兩個響07年都屬於要搵正財同辛苦錢，兩個拍住搵錢，就邊個都搵唔到另一半的著數，咁公平就梗係冇交嗌，合作愉快！

第2位 處女座 x 山羊座

處女座響07年屬於多勞多得，而山羊座響07年就可以廣開財路，一個要做，一個多到做唔晒，咁樣兩個拍埋一個搵一個做就fit晒啦！

第1位 獅子座 x 天蠍座

獅子座響07年非常之旺偏財運，至於天蠍座呢就屬於旺正財收入，偏財夾住正財，呢兩個星座拍住搵錢就真係會將全世界的錢賺晒囉！

07最佳溫馨情侶組合~

響街度見到d情侶甜蜜蜜係好羡慕呢？想唔想成為其中一份子？睇下下面最溫馨情侶組合有冇你呢pair分啦！

第3位 天秤座 x 人馬座

天秤座同人馬座響07年都有d無相大雅的小桃花埋身，大家都各有人追，唔會影響到大家感情之餘仲可以等對方緊張自己多d添！感情有增無減！

第2位 巨蟹座 x 山羊座

巨蟹座同山羊座07年的戀愛運都係平平穩穩，冇乜大變化仲冇交嗌，既然係咁平平和和，咪可以將d精力放晒落今年較為忙碌的事業工作上囉！

第1位 雙子座 x 水瓶座

雙子座同水瓶座呢兩個星座響07年都會不約而同會萌生結婚生仔組織小家庭的念頭，一個願娶一個願嫁，唔駛拍都即刻合晒呀！

07最佳單身拍檔識異性組合~

未有拖拍？連對象都未有？咁就要搵個拍檔同你一齊出去識異性，要搵個好拍檔？睇睇下面三大組合啦！

第3位 白羊座 x 金牛座

白羊座響07年下半年桃花會好旺；而金牛座就正好相反，響上半年桃花會好旺，兩個拍住上你幫下我我幫下你，咪可以旺足全年囉！

第2位 雙子座 x 水瓶座

呢兩個星座的桃花都好強，而且仲好易搵到真命天子添！兩個星座拍住出去識人，就唔駛擔心會撞埋鍾意同一個人，免除後顧之憂！

第3位 獅子座 x 人馬座

獅子座同人馬座兩個桃花都好旺，旺到漏去到邊都咁受歡迎，呢兩個星座拍住上包保邊個都搶唔到邊個的風頭，唔駛擔心分唔勻！

07最佳互補不足組合~

人生總有d事唔係咁順利，可唔可以搵個人幫下手彌補下先？一於睇下下面最佳互補不足星座組合啦！

第3位 天蠍座 x 天秤座

天蠍座工作好順利，得心應手；天秤座呢，就容易因為粗心大意而犯錯，有天蠍座拍住天秤座，合作起來就可以取長補短！

第2位 白羊座 x 處女座

白羊座有貴人運但置業運就差d，而處女座冇乜貴人但置業運又好好喎！約埋一齊去睇樓，可以撞到好經紀之餘仲可以搵到好樓添！

第1位 金牛座 x 雙魚座

金牛座手氣好又橫財運，雙魚座就適合搵穩陣錢，呢個星座拍住儲錢，又有橫財到又有正財到！雙重財路！